(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.252. అధ్యాయః 252
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
భీష్మేణ హిమవద్గిరౌ నారదోదితకృష్ణమహిమానువాదః॥ 1 ॥ తథా పార్థకృష్ణయోర్నరనారాయణాత్మకత్వకథనపూర్వకం కృష్ణమహిమప్రశంసనం॥ 2 ॥
Mahabharata - Anushaasana Parva - Chapter Text

నారద ఉవాచ।

అథ వ్యోంని మహాఞ్శబ్దః సవిద్యుత్స్తనయిత్నుమాన్।
మేఘైశ్చ గగనం నీలం సంరుద్ధమభవద్ధనైః॥ 13-252-1(91425)
ప్రావృషీవ చ పర్జన్యో వవృషే నిర్మలం పయః।
తమశ్వైవాభవద్ధోరం దిశశ్చ న చకాశిరే॥ 13-252-2(91426)
తతో దేవగిరౌ తస్మిన్రంయే పుణ్యే సనాతనే।
న శర్వం భూతసంఘం వా దదృశుర్మనయస్తదా॥ 13-252-3(91427)
వ్యభ్రం చ గగనం సద్యః క్షణేన సమపద్యత।
తీర్థయాత్రాం తతో విప్రా జగ్ముశ్చాన్యే యథాగతం॥ 13-252-4(91428)
తదద్భుతమచింత్యం చ దృష్ట్వా తే విస్మితాఽభవన్।
శంకరస్యోమయా సార్ధం సంవాదం త్వత్కథాశ్రయం॥ 13-252-5(91429)
స భవాన్పురుషవ్యాఘ్ర బ్రహ్మభూతః సనాతనః।
యదర్థమనుశిష్టా స్మో గిరిపృష్ఠే మహాత్మనా॥ 13-252-6(91430)
ద్వితీయం త్వద్భుతమిదం త్వత్తేజఃకృతమద్య వై।
దృష్ట్వా చ విస్మితాః కృష్ణ సా చ నః స్మృతిరాగతా॥ 13-252-7(91431)
ఏతత్తే దేవదేవస్య మాహాత్ంయం కథితం ప్రభో।
కపర్దినో గిరీశస్య మహాబాహో జనార్దన॥ 13-252-8(91432)
ఇత్యుక్తాః స తదా కృష్ణస్తపోవననివాసిభిః।
మానయామాస తాన్సర్వానృషీందేవకినందనః॥ 13-252-9(91433)
అథర్షయః సంప్రహృష్టాః పునస్తే కృష్మమబ్రువన్।
పునఃపునర్దర్శయాస్మాన్సదైవ మధుసూదన॥ 13-252-10(91434)
న హి నః సా రతి స్వర్గే యా చ త్వద్దర్శనే విభో।
తదృతం చ మహాబాహో యదాహ భగవాన్భవః॥ 13-252-11(91435)
ఏతత్తే సర్వమాఖ్యాతం రహస్యమరికర్శన।
త్వమేవ హ్యర్తతత్త్వజ్ఞః పృష్టోఽస్మాన్పృచ్ఛసే యదా॥ 13-252-12(91436)
తదస్మాభిరిదం గుహ్యం త్వత్ప్రియార్థముదాహృతం।
న చ తేఽవిదితం కించిత్త్రిషు లోకేషు విద్యతే॥ 13-252-13(91437)
జన్మ చైవ ప్రసూతిశ్చ యచ్చాన్యత్కారణం విభో।
వయం తు బహుచాపల్యాదశక్తా గుహ్యధారణే॥ 13-252-14(91438)
తతః స్థితే త్వయి విభో లఘుత్వాత్ప్రలపామహే।
న హి కించిత్తదాశ్చర్యం యన్న వేత్తి భవానిహ॥ 13-252-15(91439)
దివి వా భువి వా దేవ సర్వం హి విదితం తవ।
సాధయామ వయం కృష్ణ బుద్ధిం పుష్టిమవాప్నుహి॥ 13-252-16(91440)
పుత్రస్తే సదృశస్తాత విశిష్టో వా భవిష్యతి।
మహాప్రభావసంయుక్తో దీప్తికీర్తికరః ప్రభుః॥ 13-252-17(91441)
భీష్మ ఉవాచ। 13-252-18x(7681)
తతః ప్రణంయ దేవేశం యాదవం పురుషోత్తమం।
ప్రదక్షిణముపావృత్య ప్రజగ్ముస్తే మహర్షయః॥ 13-252-18(91442)
సోయం నారాయణః శ్రీమందీప్త్యా పరమయా యుతః।
వ్రతం యథావత్తచ్చీర్త్వా ద్వారకాం పునరాగమత్॥ 13-252-19(91443)
పూర్ణే చ దశమే మాసి పుత్రోఽస్య పరమాద్భుతః।
రుక్మిణ్యాం సంమతో జజ్ఞే శూరో వంశధరః ప్రభో॥ 13-252-20(91444)
స కామః సర్వభూతానాం సర్వభావగతో నృప।
అసురాణాం సురాణాం చ చరత్యంతర్గతః సదా॥ 13-252-21(91445)
సోయం పురుషశార్దూలో మేఘవర్ణశ్చతుర్భుజః।
సంశ్రితః పాండవాన్ప్రేంణా భవంతశ్చైనమాశ్రితాః॥ 13-252-22(91446)
కీర్తిర్లక్ష్మీర్ధృతిశ్చైవక స్వర్గమార్గస్తథైవ చ।
యత్రైష సంస్థితస్తత్ర దేవో విష్ణుస్త్రివిక్రమః॥ 13-252-23(91447)
సేంద్రా దేవాస్త్రయస్త్రింశదేష నాత్ర విచారణా।
ఆదిదేవో మహాదేవః సర్వభూతప్రతిశ్రయః॥ 13-252-24(91448)
అనాదినిధనోఽవ్యక్తో మహాత్మా మధుసూదనః।
అయం జాతో మహాతేజాః సురాణామర్థసిద్ధయే॥ 13-252-25(91449)
సుదుస్తరార్థతత్త్వస్య వక్తా కర్తా చ మాధవః।
తవ పార్థ జయః కృత్స్నస్తవ కీర్తిస్తథాఽతులా॥ 13-252-26(91450)
తవేయం పృథివీ దేవీ కృత్స్నా నారాయణాశ్రయాత్।
అయం నాథస్తవాచింత్యో యస్య నారాయణో గతిః॥ 13-252-27(91451)
స భవాంస్త్వముపాధ్వర్యూ రణాగ్నౌ హుతవాన్నృపాన్।
కృష్ణస్రువేణ మహతా యుగాంతాగ్నిసమేన వై॥ 13-252-28(91452)
దుర్యోధనశ్చ శోచ్యోసౌ సపుత్రభ్రాతృబాంధవః।
కృతవాన్యోఽబుధః క్రోధాద్ధరిగాండీవివిగ్రహం॥ 13-252-29(91453)
దైతేయా దానవేంద్రాశ్చ మహాకాయా మహాబలాః।
చక్రాగ్నౌ క్షయమాపన్నా దావాగ్నౌ శలభా ఇవ॥ 13-252-30(91454)
ప్రతియోద్ధుం న శక్యో హి మానుషైరేవ సంయుగే।
విహీనైః పురుషవ్యాఘ్ర సత్త్వశక్తిబలాదిభిః॥ 13-252-31(91455)
జయో యోగీ యుగాంతాభః సవ్యసాచీ రణాగ్రగః।
తేజసా హతవాన్సర్వం సుయోధనవలం నృప॥ 13-252-32(91456)
యత్తు గోవృషభాంకేన మునిభ్యః సముదాహృతం।
పురాణం హిమవత్పృష్ఠే తన్మే నిగదతః శృణు॥ 13-252-33(91457)
యావత్తస్య భవేత్పుష్టిస్తేజో జీప్తిః పరాక్రమః।
ప్రభావః సన్నతిర్జన్మ కృష్ణే తత్త్రిగుణం విభో॥ 13-252-34(91458)
కః శక్నోత్యన్యథా కర్తుం తద్యది స్యాత్తథా శృణు।
యత్రః కృష్ణో హి భగవాంస్తత్ర పుష్టిరనుత్తమా॥ 13-252-35(91459)
వయం త్విహాల్పమతయః పరతంత్రాః సువిక్లబాః।
జ్ఞానపూర్వం ప్రపన్నాః స్మో మృత్యోః పంథానమవ్యయం॥ 13-252-36(91460)
భవాంశ్చాప్యార్జవపరః పూర్వం కృత్వా ప్రతిశ్రయం।
రాజవృత్తం న లభతే ప్రతిజ్ఞాపాలనే రతః॥ 13-252-37(91461)
అత్యేవాత్మవధం లోకే రాజంస్త్వం బహు మన్యసే।
న హి ప్రతిజ్ఞా యా దత్తా తాం ప్రహాతుమరిందమ॥ 13-252-38(91462)
కాలేనాయం జనః సర్వో నిహతో రణమూర్ధని।
వయం చ కాలేన హతాః కాలో హి పరమేశ్వరః॥ 13-252-39(91463)
న హి కాలేన కాలజ్ఞః స్పృష్టః శోచితుమర్హసి।
కాలో లోహితరక్తాక్షః కృష్ణో దండీ సనాతనః॥ 13-252-40(91464)
తస్మాత్కుంతీసుత జ్ఞాతీన్నేహ శోచితుమర్హసి।
వ్యపేతమన్యుర్నిత్యం త్వం భవ కౌరవనందన॥ 13-252-41(91465)
మాధవస్యాస్య మహాత్ంయం శ్రుతం యత్కథితం మయా।
తదేవ తావత్పర్యాప్తం సజ్జనస్య నిదర్శనం॥ 13-252-42(91466)
వ్యాసస్య వచనం శ్రుత్వా నారదస్య చ ధీమతః।
స్వయం చైవ మహారాజ కృష్ణస్యార్హతమస్య వై॥ 13-252-43(91467)
ప్రభావశ్చర్షిపూగస్య కథితః సుమహాన్మయా।
మహేశ్వరస్య సంవాదం శైలపుత్ర్యాశ్చ భారత॥ 13-252-44(91468)
ధారయిష్యతి యశ్చైనం మహాపురుషసంభవం।
శృణుయాత్కథయేద్వా యః స శ్రేయో లభతే పరం॥ 13-252-45(91469)
భవితారశ్చ తస్యాథ సర్వే కామా యథేప్సితాః।
ప్రేత్య స్వర్గం చ లభతే నరో నాస్త్యత్ర సంశయః॥ 13-252-46(91470)
న్యాయ్యం శ్రేయోభికామేన ప్రతిపత్తుం జనార్దనః।
ఏష ఏవాక్షయో విప్రైః స్తుతో రాజంజనార్దనః॥ 13-252-47(91471)
మహేశ్వరముఖోత్సృష్టా యే చ ధర్మగుణాః స్మృతాః।
తే త్వయా మనసా ధార్యాః కురురాజ దివానిశం॥ 13-252-48(91472)
ఏవం తే వర్తమానస్య సంయగ్దండధరస్య చ।
ప్రజాపాలనదక్షస్య స్వర్గలోకో భవిష్యతి॥ 13-252-49(91473)
ధర్మోణాపి సదా రాజన్ప్రజా రక్షితుమర్హసి।
యస్తస్య విపులో దండః సంయగ్ధర్మః స కీర్త్యతే॥ 13-252-50(91474)
య ఏష కథితో రాజన్మయా సజ్జనసన్నిధౌ।
శంకరస్యోమయా సార్ధం సంవాదో ధర్మసంహితః॥ 13-252-51(91475)
శ్రుత్వా వా శ్రోతుకామో వాఽప్యర్చయేద్వృషభధ్వజం।
విశుద్ధేనేహ భావేన య ఇచ్ఛేద్భూతిమాత్మనః॥ 13-252-52(91476)
ఏష తస్యానవద్యస్య నారదస్య మహాత్మనః।
సందేశో దేవపూజార్థం తం తథా కురు పాండవ॥ 13-252-53(91477)
ఏతదత్యద్భుతం వృత్తం పుణ్యే హి భవతి ప్రభో।
వాసుదేవస్య కౌంతేయ స్థాణోశ్చైవ స్వభావజం॥ 13-252-54(91478)
దశవర్శసహస్రాణి బదర్యామేష శాశ్వతః।
తపశ్చచార విపులం సహ గాండీవధన్వనా॥ 13-252-55(91479)
త్రియుగౌ పుండరీకాక్షౌ వాసుదేవధనంజయౌ।
విదితౌ నారదాదేతౌ మమ వ్యాసాచ్చ పార్థివ॥ 13-252-56(91480)
బాల ఏవ మహాబాహుశ్చకార కదనం మహత్।
కంసస్య పుండరీకాక్షో జ్ఞాతిత్రామార్థకారణాత్॥ 13-252-57(91481)
కర్మణామస్య కౌంతేయ నాంతం సంఖ్యాతుముత్సహే।
శాశ్వతస్య పురాణస్య పురుషస్య యుధిష్ఠిర॥ 13-252-58(91482)
ధ్రువం శ్రేయః పరం తాత భవిష్యతి తవోత్తమం।
యస్య తే పురుషవ్యాఘ్రః సఖా చాయం జనార్దనః॥ 13-252-59(91483)
దుర్యోధనం తు శోచామి ప్రేత్య లోకేఽపి దుర్మతిం।
యత్కృతే పృథివీ సర్వా వినష్టా సహయద్విపా॥ 13-252-60(91484)
దుర్యోధనాపరాధేన కర్ణస్య శకునేస్తథా।
దుఃశాసనవతుర్థానాం కురవో నిధనం గతాః॥ 13-252-61(91485)
వైశంపాయన ఉవాచ। 13-252-62x(7682)
ఏవం సంభాషమాణే తు గాంగేయే పురుషర్షభే।
తూష్ణీం బభూవ కౌరవ్యో మధ్యే తేషాం మహాత్మనాం॥ 13-252-62(91486)
తచ్ఛ్రుత్వా విస్మయం జగ్ముర్ధృతరాష్ట్రాదయో నృపాః।
సంపూజ్య మనసా కృష్ణం సర్వే ప్రాంజలయఽభవన్॥ 13-252-63(91487)
ఋషయశ్చాపి తే సర్వే నారదప్రముఖాస్తదా।
ప్రతిగృహ్యాభ్యనందంత తద్వాక్యం ప్రతిపూజ్య చ॥ 13-252-64(91488)
ఇత్యేతదఖిలం సర్వైః పాండవో భ్రాతృభిః సహ।
శ్రుతవాన్సుమహాశ్చర్యం పుణ్యం భీష్మానుశాసనం॥ 13-252-65(91489)
వైశంపాయన ఉవాచ। 13-252-66x(7683)
యుధిష్ఠిరస్తు గాంగేయం విశ్రాంతం భూరిదక్షిణం।
పునరేవ మహాబుద్ధిః పర్యపృచ్ఛన్మహీపతిః॥ ॥ 13-252-66(91490)

ఇతి శ్రీమన్మహాభారతే అనుశాసనపర్వణి దానధర్మపర్వణి ద్విపంచాశదధికద్విశతతమోఽధ్యాయః॥ 252 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.